GREQI – Ndërprerje në trafik dhe përmbytje nga shirat e rrëmbyeshëm

– Shirat e rrëmbyeshëm shkaktuan sot ndërprjerje të trafikut dhe mbyllje të metrosë së Athinës, mbyllje të shkollave, përmbytje të bodrumeve dhe dëmtimin e ndërtesës së Parlamentit.

Shërbimi i metrosë u ndërpre më herët në linjën që lidh Kifissia dhe Pireun për shkak të shiut të fortë.

Një pjesë e Shëtitores Kifissias, në Faros Psychikou dhe në drejtim të Athinës, u mbyll për shkak të përmbytjeve, pas shirave të rrëmbyeshëm.

Policia rrugore po devijon automjetet në një rrugë anësore.

Ndërkohë, Brigada e Zjarrfikësve njoftoi se kishte marrë më shumë se 260 thirrje për ndihmë: 251 thirrje për të pompuar ujin jashtë nga bodrumet e përmbytura, tetë për të prerë pemët që paraqesin rrezik dhe nëntë për të shpëtuar personat e bllokuar në makinat e tyre nga ujërat.

Për më tepër, shkollat ​​fillore dhe të mesme në rajonin e Atikës do të qëndrojnë të mbyllura deri të premten, për shkak të motit të keq të vazhdueshëm./ATSH-ANA///