Në zonën e mbrojtur “Parku Kombëtar Detar Karaburun–Sazan”, Vlorë është e ndaluar të kryhet çdo lloj aktiviteti peshkimi. Rregullorja e përgatitur nga Ministria e Bujqësisë dhe Zhvillimit Rural, është botuar në Fletoren Zyrtare dhe ka hyrë në fuqi, duke ndaluar aktivitetet e peshkimit në gadishullin e Karaburunit dhe ishullin e Sazanit.
Sipas relacionit që shoqëron këtë rregullore, gjithashtu është vendosur që aktiviteti i peshkimit çlodhës-argëtues të kryhet në një distancë jo më të vogël se 500 m nga mjetet e peshkimit profesional.
Rregullorja thekson se, peshkimi çlodhës argëtues ndalohet të kryhet gjatë sezonit turistik në orarin 8:30 me 19:30, në një distancë jo më të vogël se 200 m nga plazhet dhe 100 m nga brigjet shkëmbore.
Përjashtimisht, ky aktivitet kryhet në mole dhe shkëmbinj edhe gjatë sezonit turistik në oraret e ndalimit, me kallama dhe grepa dore vetëm në mungesë të pushuesve.
Ndryshime ka edhe sa i takon peshkimit nënujor amator, ku ndalohen të përdoren bombola oksigjeni gjatë zhytjes; ndalohet të ushtrohet aktiviteti në një distancë më të vogël se 100 m në plazhet shkëmbore.///
ME SHUME LAJME
𝐑𝐫𝐮𝐠𝐚 𝐉𝐚𝐧𝐢𝐧ë–𝐊𝐚𝐤𝐚𝐯𝐢𝐣ë, vijojnë punimet në disa fronte.
Akte dhune gjatë protestës, gjashtë të arrestuar në Tiranë
Shqipëria synon 15.5 milionë turistë në vitin 2027, rritet kontributi i turizmit në ekonomi