Sezonin turistik këtë vit do nisë më herët

Ministrja e Turizmit dhe Mjedisit, Mirela Kumbaro zhvilloi sot një takim me shoqatat e operatorëve turistikë.

Në fokus të diskutimeve ishte përmirësimi i çështjeve të brendshme që lidhen me guidat turistike apo me licencat, si dhe përmirësimi i imazhit tonë në panairet ndërkombëtare.

Kumbaro theksoi se sezonin turistik këtë vit do ta nisim më herët e për këtë po bëhemi gati.

“E sigurt që sezonin turistik këtë vit do ta nisim më herët e për këtë po bëhemi gati që tani jo vetëm me strukturat tona, por edhe me konsultime me shoqatat e operatorëve turistikë. Duhet të përmirësojmë çështje të brendshme që lidhen me guidat turistike apo me licencat, por edhe ta përmirësojmë imazhin tonë në panairet ndërkombëtare”, shprehet Kumbaro.///