COVID-19 – Greqia urdhëron dhjetëra mjekë privatë të punojnë në spitalet shtetërore

– Për të lehtësuar mjekët e lodhur të spitaleve gjatë pandemisë së koronavirusit, Ministria greke e Shëndetësisë urdhëroi 85 mjekë privatë të paraqiteshin në detyrë në spitalet shtetërore.

”Oficerët e policisë ua dorëzuan dokumentet përkatëse mjekëve, të cilëve tani u kërkohet të paraqiten në spital sot në mëngjes”, njoftoi radioja shtetërore greke.

Qeveria e Athinës kishte marrë një vendim një ditë më parë që bëri të mundur këtë hap.

Ekspertët ligjorë thanë se ”ata që refuzojnë mund të përballen me tre vjet burg”.

Për shkak të valës së katërt të pandemisë së koronavirusit, spitalet, veçanërisht në Greqinë Veriore, janë mbipopulluar plotësisht prej javësh.

Qeveria e Athinës kishte ftuar tashmë mjekë privatë për të bërë vullnetarë në fillim të nëntorit, ku vetëm rreth 40 mjekë kishin dalë vullnetarë.

Sipas shoqatave të mjekëve të spitaleve, sistemi shëndetësor grek ka nevojë për të paktën 150 mjekë të tjerë./ ///