Rama citon Samuel Beckett: Aty brenda kanë qenë gjithnjë dy të marrë

Kryeministri Edi Rama ndau sot një thënie të një prej  shkrimtarëve modernë të shekullit të XX, njëherësh themelues i teatrit absurd, Samuel Beckett.

“Thënie e ditës. Sipas meje aty brenda kanë qenë gjithnjë dy të marrë, njeri që nuk do asgjë më shumë se sa të rrijë aty ku është dhe tjetri që e gënjen mendja se jeta e tij, pak më tutje, do të bëhet një çikë më pak e hidhur”, citon Rama Samuel Beckett.

Samuel Beckett (lindi më 13 prill 1906- u nda nga jeta më 22 dhjetor 1989) ishte një shkrimtar irlandez, dramaturg, skenarist, drejtor teatri, poet, i cili pjesën më të madhe të jetës së tij e kaloi në Paris. Ai ka shkruar në të dyja gjuhët: frëngjisht dhe anglisht. Beckett është ndër shkrimtarët më me ndikim të shekullit XX.

Vepra e Beckett-it na sjell një këndvështrim tragjikomik të ekzistencës njerëzore, shpesh herë të shoqëruar me një komedi të zezë dhe humor vrasës, dhe në fundin e karrierës së tij si shkrimtar bëhet në mënyrë rritëse minimalist.///