Ministrja e Infrastrukturës dhe Energjisë, Belinda Balluku në kuadër të vizitës zyrtare që po zhvillon në Greqi u takua me ministrin e Transporteve dhe Infrastrukturës në qeverinë greke, Kostas Karamanlis.
“Kisha kënaqësinë të zhvilloja një takim kokë më kokë, për të vazhduar më pas diskutimin e gjerë së bashku me ekipet përkatëse mbi dy projekte të rëndësishme infrastrukturore, të cilat lidhin dy vendet tona, linja hekurudhore dhe Korridori Blu”, tha ministrja.
Balluku i cilësoi këto dy projekte me rëndësi jetike dhe me impakt të drejtpërdrejtë te qytetarët e dy vendeve.
“Shprehëm angazhimin e përbashkët për t’i çuar përpara këto iniciativa të shumëpritura dhe për të bashkëpunuar ngushtësisht për projekte të reja në dobi të vendeve tona”, deklaroi ajo./ATSH///
ME SHUME LAJME
Rregulla të reja për muzetë dhe monumentet e kulturës, grante edhe për monumentet në pronësi private
Nga 2027 synohet ngritja e një sistemi të ri inspektimesh, Rama: Të marrin fund kontrollet e befasishme
Berisha: Nesër të gjithë me studentët, në mbështetje të revoltës së tyre