Zhupa: Vendimet gjysmake të ministres së Arsimit bien në kurriz të prindërve

 Deputetja e Partisë Demokratike, Ina Zhupa u shpreh sot se, vendimet gjysmake të ministres së Arsimit bien në kurriz të prindërve shqiptarë.

Zhupa theksoi se, “mbyllja e shkollave për mungesën e ngrohjes përvec se nxorri në pah dështimin në krijimin e kushteve mininale si ngrohja në shkolla por ka vënë në vështirësi prindërit”.

“Kur të dy prindërit janë në punë, lënia në shtëpi e fëmijëve pa shkuar në shkollë, i vë ata në vështirësi se kush do kujdeset për ta 3 ditë”, tha Zhupa në një reagim.

“Vendime të tilla kur merren në raste të jashtëzakonshme duhet të shoqërohen me përgjegjshmërinë e vendimeve shoqëruese. Sic është nxjerrja e në vendimi nga qeveria që njëri nga prindërit të ketë mundësi të qëndroj në shtëpi për këtë arsye dhe mos përballet me penaliteti financiare nga punëdhënësi”, shtoi Zhupa.

“Ministria e Arsimit duhet të reagojë menjëherë dhe t’i kthehet përgjegjësive që i takojnë kur merr vendime të tilla”, nënvizoi Zhupa///