Sarandë: Bie ‘gongu’.Ku jemi me përgatitjet për sezonin turistik?

Me operatorë e biznese të turizmit në Sarandë, diskutuam mbi përgatitjet për sezonin turistik, lehtësimin e proçedurave administrative dhe aplikimeve, që ata bëjnë mbi përgatitjen e mirë të strukturave të tyre të shërbimit, intesifikimin e komunikimit dhe bashkërendimin e përpjekjeve e angazhimeve për një sezon të sigurt dhe të suksesshëm.

Ky, qenë thelbi dhe fokusi kryesor i takimit te fundi qe stafi i bashkise nen kryesimin e Adrian Gurmes ka zhvilluara me bizneset turistike lokale.

Kane marre pejsë në ketë takim administratore te biznesve kryesore turistike e hoteliere, përfaqësues te Shoqates se Bizneseve Turistike, operatore turistike lokalë, drejtues te disa drejtorive kryesore ne Bashki, etj,.

Përgatitja e strukturave pritëse për t’iu përgjigjur me korrektesë rregullit të ri që do të ndiqet për tërheqjen e mbetjeve në fasha të caktuara orare; detyrimi per promocionin e destinacionit Saranda në mediat kombëtare, organizimi i eventit “Dita e Sarandës” në Prishtinë; veprimtaritë komplekse që po programohen për çeljen zyrtare të sezonit “Verë 2022”, etj ishin disa nga optikat e diskutuara me biznesin turistik sarandiot.

Kryebashkiaku Gurma siguroi se do të ketë një akt zyrtar administrativ për ndalimin e aktiviteteve të ndërtimit në sezon, sikurse vitet e tjera te mëparshme. Gurma pohoi se investimet kryesore në infrastrukturë, ky sezon do t’i gjejë funksionale, që nga rruga Kardhiq-Delvinë, te bypasi i rrugës poshtë Lëkurësit etj.

\nderkqa, nuk u harrua te permendeshi disa shqetesime te publikut : u kërkua që nga biznesi i anijeve turistike dhe lokalet e bregut në tërësi, të mos prodhohet ndotje akustike; te mos ketë spekullime me çmimet, pasi qoftë edhe një rast sporadik, bëhet shkak për imazh të keq për Sarandën.

Operatorët që e morën fjalën në takim vlerësuan klimën e partneritetit të ofruar nga Bashkia dhe treguan për përgatitjet më të mira e më në kohë që janë bërë në prag të këtij sezoni. Ata sugjeruan bashkëveprim më të mirë për zgjidhje më të shpejta që kërkohen për të lehtësuar mobilitetin dhe qarkullimin e autobusave, taksive dhe automjeteve të tjera për hyrje-dalje në qytet, sidomos në aksin Hotel “Butrinti”-Kanali i Çukës. U kërkua që të zgjatet në sezon fasha orare e shërbimit të autobusave në linjën Sarandë-Ksamil, të ofrohet furnizim më i mirë me ujë të pijshëm dhe ndriçim më i mirë publik në çdo lagje të qytetit.///