Jug: Shpendët e ujit nisin folezimin në lagunën e Nartës

Turizmi i vrojtimit të shpendëve të ujit në parkun kombëtar të lagunës së Nartës, Vlorë përherë e më shumë po tërheq vizitorë të apasionuar pas tij.

Ky lloj turizmi është një mundësi e mirë për të afruar njerëzit me shpendët dhe për t’u treguar atyre se çfarë tiparesh dhe vlerash ka secili shpend.

Agjencia Kombëtare e Zonave të Mbrojtura së bashku me Klubin e Natyralistëve, zhvilluan sot një aktivitet mjedisor mbi vrojtimin dhe identifikimin e shpendëve të ujit të lagunës së Nartës, në kuadër të ditës së shpendëve migratorë.Një sërë shpendësh kanë filluar folezimin në këtë lagunë si: gjelaci symadh Burhinus oedicnemus, sqepbiza Recurvirostra avossetta, dallëndyshja ballëbardhë e detit Sternula albifrons etj.Gjatë zhvillimit të Censusit të Pelikanit Kaçurrel në Europën Juglindore, në pikat monitoruese të lagunës së Nartës në Peizazhin e Mbrojtur Vjosë-Nartë, u numëruan 41 individë.Sot turizmi i vëzhgimit të shpendëve apo kafshëve të egra, po kthehet në një lëvizje të vërtetë turistike edhe për vendin tonë.///