Në fshatin Sotirë, Dropull, pjesë e projektit zhvillimor “100 Fshatrat” u çel sezoni turistik.
Në ceremoninë e organizuar merrnin pjesë kryetari i bashkisë Dropull, Dhimitraq Toli, konsulli i Greqisë në Gjirokastër, Dhimitrios Saharidhis, prefekti i qarkut, Odise Kote, deputeti i Vlorës, Niko Kuri, kryetari i Bashkisë së Pogonit ( Janinë), Kostandinos Kapsalis, kryetari i bashkisë së Konicës, Nikos Eksarhos dhe nënkryetari Dhimitrios Hiras, kryetari i bashkisë Gjirokastër, Flamur Golemi, drejtoresha e Projekteve dhe Investimeve në Ministrinë e Turizmit dhe të Mjedisit, Ornela Cikuli, etj.
Njësi prodhuese të zonës, si dhe gratë punonjëse pranë bashkisë kanë gatuar ushqime, të cilat janë pjesë e kulinarisë së Dropullit dhe Pogonit.
Gjithashtu, u ekspozuan sende, si dhe foto nga fotografi Jorgo Vaso, të cilat lidhen me historinë dhe traditat të zonës. Njëkohësisht, u shfaq një dokumentar ku reklamohen bukuritë e fshatrave të Dropullit, monumentet e kulturës dhe të natyrës.
Pjesëmarrja e grupit “Zonjat e Selosë”, grupet e valleve të shkollave Dervician dhe Bularat, Grupi Polifonik i Grave të Dropullit të Poshtëm, Grupi Polifonik i Pogonit, si dhe orkestra e Jorgo Deros me këngët e Jorgo Nikos dhe tekstet e këngëve të Vasil Praso, si dhe poezia e Katerina Karanxha i dhanë një larmi të veçantë kësaj feste.///
ME SHUME LAJME
9 Maji, Dita e Evropës
Zbardhet dinamika e vrasjes në Sarandë, shpallet në kërkim autori dhe pesë të tjerë
Kulturë. Përkthyesi Vangjel Zafirati boton në Greqi antologjinë me poezi bashkohore shqipe “VARGJET QË VRANË POETIN”