Sarandë, PD, Primaret: 4 Kandidatet për bashkinë e Sarandes, para antarësisë me projekt për drejtimin e saj

4 Kandidatet e Partise Demokratike në primare për bashinë e Sarandes dolën përpara antarësisë me projektin e tyre për drejtimin e kësaj bashkie. Ata janë nankieri Ardit Cikuli , biznesmeni Armando Magllara , avokati iIlir Nikolla dhe avokati Spiro Vaso.

Kryetaria e PD për Sarandën Manjola Nikollo duke folur në këtë prezantim vuri theksin tek vlerat e konkurrimit që ka kjo forcë politike, duke u dhënë mundesinë disa kandidaturave të përfshihen në garë për drejtimi e bashkisë .

Gjatë prezantimit të tyre të katër kandidatët vunë në dukje rëndësinë e ndryshimit të pushtetit lokal pasi sipas tyre, drejtuesit aktualë të bashkisë Sarandë ose janë në ndjekje penale ose janë të përfshirë në korrupsion me përmasa gjigande.

Primaret në Sarandë u cilësuan mjaft pozitive per demokracine dhe lirinë e pjesëmarrjes në garë, edhe nga deputetia Ina Zhupa e pranishme në takim.

Sipas saj, tashmë jemi para një faktit kur PD ka përballë votuesit vlerat më të mira të saj .Në këtë prezantim në Sarandë mungonte kandidati Robert Haxhi i cili ka shprehur kandidaturën e tij por që nuk ishte i pranishëm në takim.

Ndërkohë, nga Partia Socialiste nuk ka asnjë reagim se kush do të jetë kandidati për bashkinë e Sarandës Mësohet se kryetari aktual Adrian Gurma mund të jetë një nga kandidatët e mundshëm në zgjedhjet lokale të 14 majit por që ende nuk ka asnjë njoftim zyrtar nga kjo forcë politike./sarandanews.al///