Presidenti i Këshillit Europian, Charles Michel në konferencën për mediet i pyetur se pse u zgjodh Tirana për mbajtjen e Samitit BE-Ballkani Perëndimor, tha se, “para disa javësh u propozua që të bëhesh ky takim këtu dhe u vendos Tirana si vendi i duhur”.
“Dua t’ju falenderoj Juve, i dashur Edi, dhe ekipin tuaj, pasi ishte mbresëlënëse, sesi u bë kjo gjë dhe në pak kohë u bë një gjë kaq e madhe. Nuk është kaq e lehtë. Ne kemi përvojën tonë në Bruksel, kërkohet përpjekje nga më të ndryshme, zakonisht përpjekje logjistike etj.,… por që kjo gjë u bë e mundur këtu”, deklaroi ai.
Michel tha se, “samiti në Tiranë, është jo vetëm një gjë e mirë për Shqipërinë, por sigurisht që kemi një sinjal shumë të qartë që i përçojmë qytetarëve të Ballkanit Perëndimor, sepse ideja nuk është që të flasim vetëm me udhëheqësit të vendeve, por edhe t’u dërgojmë mesazhin qytetarëve”.
“Ne jemi të bindur se e ardhmja jonë është e përbashkët”, theksoi Presidenti i Këshillit Europian, Charles Michel.///
ME SHUME LAJME
Zbardhet dinamika e vrasjes në Sarandë, shpallet në kërkim autori dhe pesë të tjerë
Kulturë. Përkthyesi Vangjel Zafirati boton në Greqi antologjinë me poezi bashkohore shqipe “VARGJET QË VRANË POETIN”
Një karrocë fëmijësh për kryeministrat