Ministrja e Shtetit për Marrëdhëniet me Parlamentin, Elisa Spiropali ka pritur sot në takim ministrin e Jashtëm të Greqisë, Nikos Dendias, i cili ndodhet në Tiranë në kuadër të Samitit historik BE- Ballkani Perëndimor.
Spiropali bën të ditur në një postim në rrjetet sociale se në fokus të takimeve ishte intensifikimi i marrëdhënieve dypalëshe mes dy vendeve në partneritetit të ngushtë në NATO dhe perspektivës europiane.
“Patëm një bisedë konstruktive dhe të ngrohtë për marrëdhëniet shumëplanëshe mes vendeve tona, situatën e krizës në rajon, fazën e re në të cilën ndodhet Shqipëria në procesin e integrimit në BE dhe mbështetjen e padyshimtë që ka dhënë Greqia në këtë rrugëtim. Mundësitë e intensifikimit të bashkëpunimit parlamentar dhe marrëdhënieve dypalëshe nën frymën e fqinjësisë së mirë, partneritetit të ngushtë në NATO dhe perspektivës europiane, ishin po ashtu në fokus të diskutimit”, tha ajo.///
ME SHUME LAJME
Kulturë. Përkthyesi Vangjel Zafirati boton në Greqi antologjinë me poezi bashkohore shqipe “VARGJET QË VRANË POETIN”
Një karrocë fëmijësh për kryeministrat
Policia masa shtesë për parandalimin e aksidenteve rrugore