Bejko për Berishën: Doktori është një “makinë e vjetër” që ka zënë rrugën

Anëtari i kryesisë së Partisë Demokratike, Roland Bejko ka komentuar edhe komisionin e ngritur nga grupi i Berishës për hetimin e parave ruse dhe nxitimin për të dalë në përfundime. Ai tha se ushtarët e Berishës nuk kanë çfarë të hetojnë pasi gjerat janë të qarta. Në lidhje me një dorëheqje të mundshme të Edi Ramës, ai u shpreh se nëse kjo do të ndodhte kurrsesi nuk do të ndodhte se ia ka kërkuar Berisha, por sepse ashtu e kanë kërkuar amerikanët.

Dorëheqja e Ramës do të vijë pas asaj që kërkoi Berisha? Mos bëni shaka. Rama nuk jep dorëheqje se ai kërkon Berisha. Rama këtu i kishte dosjet që mund të godiste Berishën, por ai e ka kursyer.

Kjo situatë na vjen nga SHBA. Deklaratat e Berishës janë retorika. Berisha nuk bën dot as revolucion, pasi nuk ka mbështetje. Forca e djathtë nuk ka lidhje me revolucion. Ne jemi anëtar i NATO-s dhe kemi hapur negociatat me BE-në , termi revolucion është zhdukur.

Shqipërinë e kanë marrë në dorë tjetërkush për fat të mirë të shqiptarëve. Sistemi amerikan i drejtësisë është perfekt, nuk çedon në asnjë aspekt. Opinioni i shqiptarë është kundër Berishës. Ai është si një makinë e vjetër që ka zënë rrugën dhe ka ndërprerë avancimin e të tjerëve.///