Ndahet nga jeta Enveri Isufi.

Është ndarë nga jeta pas një sëmundje e gjatë në moshën 82 vjeç Enveri Isufi. Ai lindi në vitin 1941 në qytetin e Delvinës. Kreu studimet e larta në Institutin Pedagogjik në Tiranë, më 1964. Punoi për disa vite si mësues i letërsisë në qytetin e Delvinës e më pas si shef i seksionit të arsimit në komitetin ekzekutiv të rrethit Sarandë.

Enver Isufi  ishte një nga figurat më të shquara intelektuale të Sarandës.

Krijues , shkrimtar i dalluar në fushën e humorit, Enveri mbetet një nga kontributorët kryesorë të estradës profesioniste të Sarandës në disa dekada.

Ai ishte autor i talentuar e i  palodhur i qindra skeçeve, parodive e kupleteve të sukseshme që i dhanë afirmimin dhe emrin në arenën kombëtare së bashku me artistët e tjerë, estradës së Sarandës, këtij institucioni të humorit në kohë të vëshrira për artistët.

  Enver Isufi, intelektuali, gazetari dhe shkrimtari i shquar i skenës, mbetet padyshim një nga ikonat e respektuara jo vetëm në rajonin e Sarandës,po edhe më gjerë, duke frymëzuar me shpritin krijues dhe përkushtimni e tij  të spikatur qytetar.

Për kontributin e dhënë Enver Isufi është vlerësuar nga Presidenti i Republikës më Urdhrin ”Naim Frashëri i Artë” dhe nga Bashkia e Delvinës me titullin “Qytetar Nderi”. 

SarandaNews.al, i shpreh ngushëllimet më të thella familjes Isufi për ndarjen nga jeta të njeriut të tyre të shtrenjtë. /sarandaNews.al///