Delvinë. Anila Denaj: Besmir Veli, vazhdim i punëve të mira për Delvinën

Nga Lola LASKO

Pas lançimit të pak ditëve më parë të kandidatëve për kryebashkiakë në Qarkun e Vlorës, zyrtarët e lartë të kësaj Partie pa humbur më kohë, kanë zbritur menjëherë në bazë.

Blendi Klosi sekretati politik i këtij Qarku ka ‘prekur’ edhe Delvinën së bashku me deputeten aktive Anila Denaj për të prezantuar kandidatin Besmir Veli i cili zëvendësoi Majlinda Qilimin.

Qilimi ka qenë në panelin prezantues dhe ka bërë thirrje gjithashtu për mbështetjen e Besmir Veli.

Pas fjalës së Klosit që ka përbërë edhe prezantimin apo ‘shugurimin’ në publikun delvinjot të kandidatit të ri socialist për kreun e bashkisë jugore deputetja Anila Denaj në fjalën e saj të shkurtër nuk ka harruar togfjalëshin kyç se Besmir Veli, është vazhdim i punëve të mira për Delvinën.

“Suksese Besmir Veli në këtë rrugëzim drejt fitores së padiskutuar.-ka theksuar Denaje cila ka argumentuar se ” Forca e besimit te Partia Socialiste, mbështetja e të gjithë socialistëve delvinjotë dhe puna e të gjithë strukturave në çdo organizatë bazë partie e në çdo fshat do të mundësoj vijimin e punëve të mira.”

Denaj, e kujdeshme deri ne detaj për kortezinë dhe kohezionin brenda PS nuk ka lënë në ‘hije’ kryebashkiaken sot në detyrë:

“Falënderime kryetares sonë Majlinda Qilimi për punën dhe përkushtimin në këto 4 vite-ka thënë deputetja e rajonit të Sarandës, duke shtuar se “Shumë punë të tjera të mira na presin përpara.”/sarandaNews.al///