Sarandë. Kur shpërthejnë talentet e reja

Nga Panajot BOLI

Ishte një befasi hapja e një ekspozite një ditë më parë në Sarandë ne shetitoren “Naim Frashëri” buzë detit. Pesë shkollat e bashkisë së Sarandës prezantuan talentet e reja.

Një puhizë nga deti….dhe nxënësit derdhen gjithë ngjyrat e Jonit në peizazhe të mrekullueshme. Apo riciklime interesante dhe mjaft të bukura qe i mahniten edhe turistët e huaj qe kërkonin me ngulm t’i blinin.

Saranda ka një potencial të fuqishëm talentesh në të gjitha fushat. Ishte puhiza e projektit “Nxënësit pikturojnë mjedisin, risjellin artizanatin, riciklojnë dhe dashurojnë trashegiminë” e inicuar nga AJMMI dhe mbeshtetura nga PNUD qe largoi pak “hirin”për të parë talentet qe “fshihen” nëpër shkolla.

Ndaj themi sa të rendesishme janë projektet, nismat e këtij lloji, puna e vazhdueshme në shkolla me talentet.

Gjithshka ishte mbresëlënëse..

Juria e vlerësimit nuk e pati të veshtirë të dallojë disa karakteristika specifike të shkollave si “9 tetori” dhe “Adem Sheme” të spikatin në pikturë dhe fotografi, shkolla e Çukës të talentuar në riciklime me mjaft fantazi, shkolla e Gjashtës dhe Ksamilit në punime artizanati nga nxënës duartë.

Një episod: Një nënë e një nxënëse nga Gjashta u ankua te Juria pse nuk mori çmim vajza e saj. Një nga anëtarët e Jurisë ju përgjigj: “Ne nuk arriten t’a shikojmë, se, një turist i huaj e mori me këmbëngulje se i pelqeu shumë. Pra, mori më shumë se çmimi i parë.”

Projekti tregon se kur punohet dhe inkurajohen talentet e reja, ata SHPERTHEJNË ,siç shperthyen dje .

Ajo qe vlerëson stafi i AJMMI-it është bashkëpunimi mjaft i frytshëm, përkushtimi, preokupimi, serioziteti i stafeve pedagogjike te ketyre shkollave duke filluar nga drejtoresha e ZA Sarandë, Majlinda Vaso . Organizimi nga ana e AJMMI-it të shkojnë të pikturojnë dhe të ricikloj në natyrë, konkretisht vajtja në Butrint. me nxënës me prirje nga të pesë shkollat, nën kujdesin e një eksperteje në pikturë e skulpturë, ishte një risi dhe mjaft efikase.

Vlen të përmendet serioziteti në kryerjen e këtij aktiviteti, të drejtuesve të këtyre shkollave. Manushaqe Mero, Resmi Sali, në Sarandë Violeta Shehu në Çukë, Halit Allkushi në Gjashtë dhe Besnik Abedini në Ksamil.

Saranda ka talente . Këtë vertetoi edhe ky projekt. Por kjo duhet të këtë vazhdimësi dhe duhen gjetur forma e menyra të ndryshme.

Duhet punuar me ta me pasion e përkushtim.

Sepse ata, shperthejnë si shperthyen këtë të premte me detin e ngjyrave dhe vlerave artsitike në zemren e shetirores ku veç nxënësve dhe banrëve të Sarandës frekuentues ishin jo pak turistë të huaj që zgjedhin Sarandën këto ditp maji . Dhe kemi nevojë për shpërthimine talenteve nëpër shkolla.//sarandaNews.al///