Policia e Dhërmiut ka vënë në pranga 5 shtetas të huaj, turistë të cilët kryenin veprimtarinë kriminale të shpërndarjes së drogave të forta. Seksioni i Narkotikëve i DVP Vlorë, në bashkëpunim me Komisariatin e Policisë Himarë, ka finalizuar operacionin “Parts 7”.
Në kuadër të këtij operacioni Policia sekuestroi 160 doza të lëndës narkotike GHB (Gamma-hydroxybutyrate) dhe doza të drogave të tjera të forta MDMA, Poppers, ekstazi, kokainë dhe kanabis.
Gjithashtu, shërbimet e Policisë gjetën dhe sekuestruan edhe 2 610 pesos (monedha argjentinase), 340 euro dhe 400 dollarë, të dyshuara të përfituara nga shitja e lëndëve narkotike si dhe 5 aparate celulare.
Nga veprimet hetimore dyshohet se këta 5 shtetas: T. G., 28 vjeçe, shtetase spanjolle; M., 28 vjeç, shtetas brazilian; Y. I., 32 vjeçe, shtetase argjentinase; R. D., 40 vjeç, shtetas argjentinas dhe N. M., 27 vjeç, shtetas italian kishin ardhur si turistë në Dhërmi dhe në bashkëpunim me njëri-tjetrin, shpërndanin lëndë narkotike në doza, në këtë zonë bregdetare, kryesisht për turistët e tjerë, në lokalet e natës dhe në aktivitetet e ndryshme të argëtimit që zhvillohen në bregdet, gjatë sezonit turistik.
Materialet procedurale i kaluan Prokurorisë, për veprime të mëtejshme.///
ME SHUME LAJME
Rritja e çmimeve të karburanteve, Mitsotakis shpall paketën 300 milionë euro me masa lehtësuese
Berisha: Protestat do të thirren aty ku ka pakënaqësi në gjithë vendin
Britanikja “Express”: Shqipëria, perlë e Europës për pushime me kosto të ulët