MEMORIE.Basha përkujton Havzi Nelën: Përulemi dhe nderojmë poetin martir

Kryetari i Partisë Demokratike, Lulzim Basha përkujtoi sot poetin e vrarë nga diktatura komuniste, Havzi Nela.

“35 vjet më parë regjimi gjakatar shqiptar vari në litar në mes të Kukësit, Havzi Nelën, poetin që i këndoi lirisë”, u shpreh Basha.

“Pas 21 vitesh burg, tortura dhe internime, diktatura humbi çdo shpresë që ta mposhte shpirtin e tij kryelartë, që sfidoi dhe ngriti zërin kundër çdo krimi të saj, ndaj regjimi vendosi ta vrasë në mes të Kukësit për ta bërë shembull”, theksoi Basha.

“Por vetëm e përjetësoi guximin, atdhedashurinë dhe poezinë e Havzi Nelës, martirin e lirisë”, nënvizoi ai.

“Në këtë 35 vjetor përulemi dhe nderojmë poetin martir që me sakrificën e tij frymëzon në qëndresën ndaj të keqes dhe padrejtësisë, dhe me mesazhet e tij të pavdekshme ndriçon rrugëtimin e pandalshëm drejt vlerave më të larta njerëzore, për liri, për demokraci, për Zot, Atdhe dhe familje. Lavdi përjetë Havzi Nelës”, përfundoi Basha, postimin e tij në rrjetet sociale.///