Sarandë.Më në fund: Në Syrin e Kaltër, tren për të moshuarit e fëmijët! Bileta, 300 lekë

Nga Limos DIDANI

I cilësuar si perla e turizmit, Parku Natyror “Syri i Kaltër”, i cili një vit më parë mirëpriti 192,000 turistë, tashmë ka një tren me naftë. Bileta e trenit, që sapo është vendosur në funksion kushton 300 lek. Ai lehtëson lëvizjen e të moshuarve dhe prindërve me fëmijë të vegjël, të cilët e kanë të pamundur të përshkojnë 2.5 kilometra rrugë në këmbë.

Gjatë dy viteve të fundit, ka pasur raste kur është kërkuar ndihma e ambulancës për të transportuar pushues të cilët për arsye të temperaturave të larta kanë pësuar komplikacione.

Kjo pasi lëvizja në hapësirën e parkut natyror kryhej vetem në këmbë apo bicccikleta. Lëvizja e automjeteve është e ndaluar, nga trau e deri tek burimi i syrit të kaltër. Në vitin 2022 Ministria e Turizmit investoi për rikualifikimin urban të parkut, duke i dhënë një pamje të re, me trotuare, ndriçim dhe pastrim.

=====

(Gjatë shpalosjes së strategjisë për Syrin e Kaltër dy vjet më parë në Butrint, në prezencë edhe të Ministres Mirela Kumbaro, zyrtarët e Adm.së Zonave të Mbrojtura Vlorë, folën para Komitetit të kësaj strukture edhe për vendosjen e nje treni, ekologjikisht te paster.Dmth, tren elektrik! Qysh atëhere, historia e ‘trenit’ u la mënjanë dhe vetëm tani është realizuar, por nuk dihet nëse është ekologjikisht i paster për Parkun Natyror të Syrit të Kaltër, por; gjithsesi i mirërpritur për turistët për argumentat e përmenduara nga autori i shkrimit më sipër)/sarandaNews.al///