Kristo Kiço nis detyrën si Prefekt i Qarkut të Vlorës

Kristo Kiço, deri dje nënprefekt i Sarandës nisi detyrën si Prefekt i Qarkut të Vlorës, pas emërimit nga kreu i qeverisë, Edi Rama

Pas dorëheqjes së Vangjel Tavo i cili kandidon në Himarë, Kristo Kiço është emëruar prefekt i Qarkut të Vlorës. Kiço sjell një përvojë të gjerë në administratën vendore dhe qeverisjen publike, duke mbajtur më parë pozicione kyçe në rajonin jugor të Shqipërisë.

Kristo Kiço ka ndërtuar një karrierë të gjatë dhe të suksesshme në shërbimin publik. Fillimisht, ai shërbeu si nënkryetar bashkie në qytetin bregdetar të Sarandës, ku kontribuoi në zhvillimin dhe përmirësimin e shërbimeve publike për qytetarët.

Përkushtimi dhe profesionalizmi i tij u dalluan gjithashtu gjatë mandatit si kryetar i Bashkisë Finiq, ku Kiço punoi ngushtë me komunitetin për të avancuar projekte infrastrukturore dhe sociale që ndihmuan në përmirësimin e cilësisë së jetës në zonë./sarandaNews.al///