Gjykata e Posaçme ka rrëzuar kërkesën e ish-Prokurorit të Përgjithshëm, Adriatik Llalla, për parashkrimin e dënimit me dy vite burgim për fshehje pasurie.
Llalla kishte kërkuar që dënimi i dhënë ndaj tij në vitin 2021, me vendim të formës së prerë, të konsiderohej i parashkruar, me argumentin se kishin kaluar afro pesë vite nga vendimi pa vuajtur dënimin me burg.
Kërkesa u shqyrtua në Gjykatën e Posaçme, pas shtyrjes së seancës së mëparshme, kur prokurorja e SPAK, Enkelejda Millonai, kërkoi kohë për t’u njohur me materialet e paraqitura në proces.
Lajmi bëhet i ditur nga gazetarja Anila Hoxha. Ish-kreu i Prokurorisë së Përgjithshme nuk ishte i pranishëm në seancë dhe u përfaqësua nga avokati i tij.
Adriatik Llalla vijon të jetë në kërkim nga autoritetet shqiptare. Ai u largua drejt Italisë gjatë hetimeve ndaj tij, ku u arrestua dhe më pas u la nën masa mbikëqyrjeje, pa iu dorëzuar autoriteteve shqiptare.
Me rrëzimin e kërkesës, dënimi me dy vite burgim për ish-kryeprokurorin nuk konsiderohet i parashkruar.///
ME SHUME LAJME
Kroçiera “Explora 2” për herë të parë në Sarandë, me 729 turistë në bord
Shqipëria “fundos” Finlandën, Muçi dhe Manaj blindojnë kreun e grupit për kuqezinjtë
Një shpjegim i thjeshtë pse Berisha sulmon Klodianën