Kryetari i Partisë Demokratike, Sali Berisha i përcolli sot urimet presidentit të 47-të të SHBA, Donald Trump për rikthimin e tij më të jashtëzakonshëm të të gjitha kohërave.
Duke folur në tubimin poshtë dritares së shtëpisë së tij, nga “arresti i shtëpisë”, Berisha u shpreh se, demokratët shqiptarë ishin ndër të rrallët në botë, që e mbështetën haptas Trump-in.
Më tej kreu i PD shtoi se, “ngjarja e djeshme ka ndryshuar Amerikën, dhe për aq sa Amerika ndikon në botë, edhe botën”.
“Ajo ka disa mësime të mëdha për shqiptarët. Mësimi i parë për qytetarët shqiptarë është se, rikthimi është i mundur, rikthimi është i jashtëzakonshëm. Rikthimi i Donald Trump, pasi u përpoqën me atentate të përcaktonin presidentin e SHBA është rikthim sa tokësor, aq edhe hyjnor”, theksoi Berisha.
Por, shtoi ai, “siç e dini dhe ju, Sali Berisha u rikthye pas rebelimit komunist. Përballoi bomba, atentate dhe çdo gjë. Por besimi i tij te shqiptarët dhe i shqiptarëve tek ai, bënë që ai të jetë kryeministër në vitin 2005-2013”.
“Mos harroni, ju lutem, mos harroni kurrë takimin tonë të parë në hotel ‘Rogner’ në mbledhjen e parë të Rithemelimit. Në atë takim unë u rrëfeva ju se, një president i SHBA-ve i kishte thënë një mikut tim kur ai po fliste për mua, se në ujërat e një lumi nuk lahesh dot dy herë. Unë, atë shtator të 2021 isha personi që në ujërat e një lumi isha larë dy herë, por u zotova se do të lahem edhe herën e tretë! Është radha jonë”, tha Berisha.///
ME SHUME LAJME
Sarandë. Mbërrin krocera e parë me turistë për vitin 2026-n.
Sociale. Shqipëria po zbrazet. Bie me 35% numri i lindjeve brenda një dekade
Rregullat për plazhet. Zbardhet kontrata e re, gjoba deri në 400 mijë lekë dhe rastet kur prishet kontrata