Sarandë. Kryetari i PD Ahmeti: Zoti na ka ndihmuar që na ka dhënë Sali Berishën, i lutemi çdo ditë të na shërojë plagët

Kryetari i PD Sarandë, Shpëtim Ahmeti tha një ditë më parë në fjalën e mirëseardhjes se liderit Berisha se Zoti i ka ndihmuar që na ka dhënë një burrë shtetit si Berisha.

“Shqipërisë i duhet një doktor i mirë që të shërojë këto plagë që ka marrë në 12 vjet. Ne jemi sakatepsur, jemi plagosur kaq rëndë. Kemi fatin e madh që Zoti na ka ndihmuar dhe na ka dhënë një burrë shteti që quhet doktor Sali Berisha. I lutemi Zotit cdo ditë, sepse pa njerëz të tillë, me këta trafikantë nuk luftohet as me armë, as me para…”, tha kryetari i PD-së në Sarandë, Shpëtim Ahmeti gjatë mitingut të Sali Berishës në qytetin bregdetar, në prani të qindra qindra simpatizantëve demokratë dhe qytetarëve të rajonit të Sarandës.///