INFO Plus: Për Kadarenë.Vepra AUTENTIKE ka aftësinë të vetëtransformohet sa herë të lexohet.

Nga Natasha LUSHAJ (Spahiu) *)

Sigurisht, pati konfuzion në fillim, pasi u mësua se Kadare kishte kërkuar azil politik jashtë vendit. Sidomos nga ata që ishin mësuar t’ua shkoqitnin gati mesazhet e veprës (veprimeve) të Kadaresë. Si çdo gjë tjetër: domethëniet, kuptimet vinin të “qartësuara” nga lart, s’kishte nevojë të mendoje me trutë e tua.

Por shpejt Ai foli vetë: me libra, me intervista, me letra drejtuar të fuqishmëve të botës, me ndërhyrje në çështje e momente kritike për shqiptarët. Doemos, lukunia e lehjeve nuk resht as sot. Jo më kot Ai i quan “lehës”.

Janë edhe mbrojtësit e rremë, ata që e donin/duan Kadarenë të ngjashëm me një bust a monument bronxi që në gjallje, të gdhendur një herë e përgjithmonë. Që Kadareja i pas-’90-ës të fliste me të njëjtat simbolika e mesazhe si ai i para’90-ës. Pse? Sepse nuk dinin ta lexonin, ta kuptonin e interpretonin. Paaftësi a leverdi?…

E vërteta është që Ai e ripunoi deri në fund të jetës veprën e tij, në mënyrë që mesazhet e saj t’u përshtaten të gjitha kohërave, edhe kur Ai vetë të mos ishte më.

E dinte se VEPRA AUTENTIKE ka aftësinë të vetëtransformohet sa herë të lexohet. (*Prof.Natasha LUSHAJ (Spahiu), është studjuese, pegagoge e letërisë)./sarandaNews.al///