Ndarja territoriale. Bido: Harta e re e reformës territoriale respekton historinë, identitetin dhe vullnetin e qytetarëve

Duke rifolur për reformën territoriale, deputeti i PS Ardit Bido, nga më aktivët kolegë deputetë, edhe për këtë temë të nxehtë, ka shprehur një ditë më parë pëlqimin dhe dakordësinë e tij mbi hartën e re.

Sipas Bidos,”Harta e re e reformës territoriale respekton historinë, identitetin dhe vullnetin e qytetarëve të qarkut të Vlorës Saranda, Delvina, Konispoli, Himara dhe Finiqi do të mbeten bashki më vete. Selenica nuk zhbëhet, ajo do të kthehet në Qytet, me njësitë administrative siç i ka, por tanimë e konsoliduar me Bashkinë e Vlorës.”

Duke iu referuar kësaj Harte, Bido vuri ne dukje se “Edhe Orikumi, nga njësi administrative, do të marrë statusin e Qytetit, duke fituar peshën që meriton si qendër historike, turistike dhe ekonomike.”

Falënderimi u shkon të gjithë deputetëve të qarkut të Vlorës, që ishim një mendje dhe të palëkundur në qëndrimin tonë; kryetarëve të bashkive, që bënë një prezantim dinjitoz të nevojave të zonave që përfaqësojnë; por, mbi të gjitha, drejtuesit politik të qarkut, Bledi Çuçi që këmbënguli fort deri në fund, drejtuesit të reformës Arbjan Mazniku e veçanërisht kryeministrit Edi Rama, që mbajtën peshën specifike të qarkut e rikthyen në hartë siç i takonte Orikumin!-ka nlnvizuar Ardit Bido. Sipas toij, “Një hartë që respekton çdo krahinë dhe hap më shumë mundësi për zhvillim, investime dhe shërbime më të mira”.

Më herët, deputeti i mazhorancës së majtë, Ardit Bido në disa postime ne median sociale apo dalje televizive, ka shprehur në mënyrë konsistente qëndrimet e tij kundër ideve për ndarje apo bashkime të përfolur të hartës së re territoriale për bashkitë Konispol, Delvinë, Finiq, Sarandë, etj,.

Në mungesë të informacioneve zyrtare publike nga komisioni respektiv i reformës territoriale dhe, situata fluide apo një terr informativ nga ky komision, në klimën e mungesës së dëgjesave publike dhe kontraditave të palëve politike për një hartë të dakortësuar; qëndrimet e Bidos kanë qenë bartëse edhe të një shqetësimi publik më të gjerë, veçmas për Qarkun e Vlorës që ai përfaqëson pas kontakteve intensive të tij me qytetarë të orientimeve të ndryshme politike kryesisht në jugperëndim të vendit. /SARANDANEWS.AL///