Agjencia Kombëtare e Mbrojtjes Civile njoftoi se është shuar plotësisht vatra e zjarrit e krijuar në zonën mbi tunelin e Llogorasë, pas ndërhyrjes së koordinuar të strukturave operacionale nën drejtimin e Prefekturës së Qarkut Vlorë.
Në operacionin për neutralizimin e flakëve u angazhuan 4 automjete zjarrfikëse, 11 efektivë të Mbrojtjes nga Zjarri dhe Shpëtimit (MZSH) të Himarës dhe Vlorës, 43 efektivë të Forcave të Armatosura, si dhe një helikopter i Forcës Ajrore.
Sipas AKMC-së, falë ndërhyrjes së koordinuar u bë e mundur shuarja e plotë e vatrës së zjarrit, ndërsa zona vijon të mbahet nën monitorim nga strukturat përgjegjëse, me qëllim parandalimin e çdo riaktivizimi të mundshëm.
Autoritetet vijojnë të jenë në gatishmëri për menaxhimin e situatave të emergjencave, veçanërisht gjatë periudhës së sezonit veror, kur rreziku i zjarreve është më i lartë.(Ermira ISUFAJ)///
ME SHUME LAJME
“Stato Quotidiano”: Riviera Shqiptare jashtë sezonit: Një udhëtim ndryshe mes natyrës, historisë dhe qetësisë
Sarandë. Mbërrin në Port kroçera “Seabourn Quest” me 467 turistë në bord
Sarandë. Arrestohen tre persona në trafikun e lëndëve narkotike, me destinacion Sarandën dhe Ksamilin.