Policia Kufitare e Himarës ka bllokuar një mjet lundrues Jet Ski dhe ka ndëshkuar drejtuesin me masë administrative 300 000 lekë, pasi shkeli perimetrin e sigurisë në plazhin e Bunecit.
Menjëherë pas raportimit nga pushuesit, në adresën e Policisë e Shtetit, për një mjet lundrues Jet Ski që kishte shkelur perimetrin e sigurisë në plazhin e Bunecit dhe po rrezikonte jetën e pushuesve, shërbimet e Policisë Kufitare, në bashkëpunim me Njësinë Policore Detare, organizuan menjëherë ndërhyrjen.
Si rezultat i veprimeve të shpejta, u konstatua mjeti lundrues Jet Ski, i cili u bllokua nga Policia Kufitare, ndërsa drejtuesi i tij, shtetasi A. Gj., u ndëshkua me masë administrative 300 000 lekë, për shkelje të perimetrit të sigurisë në zonën e plazhit.
Policia e Shtetit falënderon qytetarët për bashkëpunimin dhe i fton ata të vijojnë të denoncojnë çdo rast të shkeljes së rregullave që cenon sigurinë publike, në numrin pa pagesë 112. Reagimi i menjëhershëm dhe bashkëpunimi me qytetarët mbeten kyç për parandalimin e ngjarjeve që rrezikojnë jetën dhe sigurinë e pushuesve gjatë sezonit turistik.
ME SHUME LAJME
Kakavije. Rikthehen radhët kilometrike, fluks i lartë udhëtarësh dhe mjetesh në kufirin Shqipëri-Greqi!
Ksamil. Policia shpëton jetën e pesë turistëve suedezë.
Ksamil. Ngjarje e rëndë. Humbet jetën 4 -vjeçarja