ATHINË – Greqia rrit pagën minimale për shkak të normës së lartë të inflacionit

 Paga minimale në Greqi do të rritet nga 663 euro (719,09 dollarë) në 713 euro nga 1 maji për shkak të normës së lartë të inflacionit.

“Qeveria konservatore dëshiron të ndihmojë individët për të menaxhuar rritjen e çmimeve të ushqimeve dhe kostot e larta të energjisë”, njoftoi sot në televizionin shtetëror kryeministri grek Kyriakos Mitsotakis.

Në muajin mars, norma e inflacionit në Greqi ishte 8%. Athina tashmë po mbështet qytetarët e saj përmes një pakete prej rreth 6 miliardë eurosh për të lehtësuar barrën e kostove të energjisë.///