Basha i përgjigjet Ramës për numrin e testimeve: Mos u fsheh pas komitetit teknik …

Teksa  kryeministri Edi Rama tha se sasia e testimeve nuk përcaktohen nga politikanët, por nga ekspertët, kryedemokrati Lulzim Basha vijon të theksojë se kjo deklaratë është tregues se qeveria është e papërgjegjshme! Në përgjigje të kryeministri Edi Rama, Basha i kërkon që të lërë sulmet ndaj opozitës dhe të mos fshihet pas një komiteti teknik.

“Testimi masiv është e vetmja mënyrë për të zbuluar sa thellë është futur virusi në familjet tona. Pa testuar, pa gjurmuar, pa izoluar, pasojat do të jenë shumë të rënda! KM po fshihet pas një komiteti teknik, me shpresë që njerëzit mos ta shohin se sa i papërgatitur është. Është përgjegjësi e qeverisë që të mbrojë shëndetin e njerëzve, të pajisë me mjetet e duhura ekipet mjekësore dhe të mbajë në këmbë ekonominë. Sulmet kundër opozitës nuk i fshehin dot dështimet e tij”, tha Basha./R-SR//