Finiq-Diplomatët grekë në Shqipëri pranë minoritetit etnik.Kryebashkiaku Kiço pret Ambasadoren Filippidou dhe Konsullin e Përgjithshëm në Gjirokastër, Sacharidis.

Diplomatët grekë në Shqipëri interesimin e vijueshem par jeten e banorëve të minoritetit etnik grek e tregojnë herë pas here edhe me vizitat në terren.

Në këtë kuadër, viti 2022 nisi me një vizitë në bashkinë e Finqit të Ambasadores së Greqisë në Tiranë, Sofia Filippidou dhe të Konsullit të Përgjithshëm të Greqisë në Gjirokastër, Dimitrios Sacharidis.

Në vizitën e 14 janarit, në zyrën e kryetarit te Bashkisë së Finiqit, Kristo Kiço në një atmosferë miqësore dhe klimë bashkëpunimi, kryebashkiaku i informoi diplomatët për një varg çështjesh kryesore që kanë të bëjnë me komunitetin e banorëve po edhe me aspekte te qeverisjes vendore ne kete njësi.

Mësohet se tema kryesore e rpekur ka qenë problemi i pronave që vazhdon prej shumë vitesh i pazgjidhur në bashkinë e Finiqit dhe jo vetëm; regjistrimi i popullsisë që do të realizohet gjatë vitit 2022, problemet e arsimit, investimet në infrastrukture dhe zhvillimi ekonomik,

Në takimin e mësipërm në fokus kanë qenë edhe problematikat që kanë lindur për shkak të pandemisë. ngjarjet dhe aktivitetet kulturore,etj,.

Kryebashkiaku Kristo Kiço falënderoi Ambasadoren dhe Konsullin e Përgjithshëm të Greqisë në Gjirokastër për ndihmën e tyre të pakursyer gjatë gjithë periudhës së vështirë të pandemisë. Njëkohësisht, ai vlerësoi bashkëpunimin e deritanishëm dhe shprehu besimin se do të vazhdojë edhe në të ardhmen me synim përmirësimin e vazhdueshëm të cilësisë së jetës së qytetarëve tanë./SARANDANEWS.AL///