Finiq. Vijojnë hetimet për autorët e grabitjes dhe dhunimit të dy të moshuarve në mesnatë

Po vijojnë hetimet për zbulimin e autorët të grabitjes dhe dhunimit të dy të moshuarve në mesnatë, ngjarje e ndodhur në fshatin “Lefter Talo” të bashkisë Finiq.

Grabitja dhe dhunimi në banesë i dy të moshuarve mësohet tel ketë ndodhur rreth orës 01:00 pas mesnate. Dy shtetas ende të paidentifikuar kanë hyrë me forcë në banesën e bashkëshortëve Spiro dhe Dhespo Kalivioti, të moshës 78 dhe 79 vjeç. Autorët kanë arritur të marrin një shumë parash prej 2 milionë lekë të vjetra (2 mijë euro), ndërsa gjatë kryerjes së grabitjes kanë ushtruar dhunë fizike ndaj çiftit të moshuar.///

Grupi hetimor po vijon punën për identifikimin dhe kapjen e autorëve, si dhe për zbardhjen dhe dokumentimin e plotë të kësaj ngjarjeje. Materialet i janë referuar Prokurorisë për veprime të mëtejshme.