Zëvendësministri i Arsimit dhe Çështjeve Fetare të Greqisë, Angelos Syrigos, vizitoi të dielën, më 31 korrik 2022, komunitetin e Alikos, në bashkinë e Finiqit.
Zëvendësministri u prit ngrohtësisht nga banorët e komunitetit dhe më pas pasoi një takim me kryetarin e bashkisë së Finiqit Kristo Kiço dhe përfaqësues të komunitetit vendas.
Gjatë takimit, Syrigos u njoh në përgjithësi për problemet dhe nevojat e banorëve që jetojnë në pakicën kombëtare greke, dhe biseda u fokusua rreth çështjeve të arsimit, projekteve të zhvillimit lokal, dhe atë të ndihmës ndaj banorëve, kryesisht të moshës së tretë.
Në përfundim, Kiço falënderoi zëvendësministrin për vizitën e tij, si dhe për bashkëpunimin e tyre të shkëlqyer./sarandanews.al///
ME SHUME LAJME
Kulturë. Përkthyesi Vangjel Zafirati boton në Greqi antologjinë me poezi bashkohore shqipe “VARGJET QË VRANË POETIN”
Një karrocë fëmijësh për kryeministrat
Policia masa shtesë për parandalimin e aksidenteve rrugore