HEC-i i Sasajt “kuçedra”, qe thau lumin e Kalasës, ujëvarën e Bakajt në Delvinë dhe arat e fermerëve

Hidrocentri i Sasajt po zhduk lumin e Kalasës në Delvinë. Banorët thonë se ka rreth një muaj pa u lëshuar uji, ndërsa pamjet e peshqve të ngordhur atje janë dramatike. Ne nje kronike ne TV banoret e Bajkajt thane se prej 1 muaji uji në lumin e Kalasës është zhdukur.

Lumi shfrytëzohet nga hidrocentrali i Sasajt, i cili ka ndërprerë tërësisht ujin që duhet të shkont në lumë për t’i shërbyer disa fshatrave në Delvinë. “Gjithë fauna e egër e kësaj zone, e këtij lumi është e shkatërruar dhe të vjen keq kur i shikon në atë gjendje. Situata është… ju e patë vetë. Dhe nuk reagon asnjë instititucion,” tha eksperti Poda.

Ajo çfarë ka mbetur tanimë në shtratin e lumit janë peshqit e ngordhur. Sipas kronikes ne TV, eksperti i mjedisit Çlirim Poda u shpreh se dëmet janë kolosale dhe të parikuperushme.

Fshati Bajkaj duket se është më i prekur nga zhdukja e lumit. Fermerët dhe blegtorët atje e kanë jetik ujin e lumit por prej disa vitësh ata po hasin të njejtin problem me HEC-in, mungesën e ujit për vaditje, që këtë muaj arriti kulmin e tij.

“Atje ka ngordhur çdo gjë e gjallë. Kemi problem dhe me ujin e vaditjet, nuk kemi ujë të vaditim. Këtë problem e kemi rreth 4-5 vjet. Këtu ka qenë plot me ujë, det. Ka qenë mbushur dhe tunelet plot me ujë. Tani nuk ka pikë uji. S’ka as ku të pijnë bagëtitë,” thonë dy banorë.

Ujëvara e Bajkajt ishte një nga mrekullit natyrore të zonës, që është kthyer edhe në destinacion turistik, por pamja e saj sot është kjo. Banorët e Bajkajt thonë se do të ndjekin çdo rrugë institucionale, për të rikthyer lumin e Kalasës.///