Humbi rrugën nga mjegulla në Karaburun, gjendet turistja 64-vjeçare

Gjendet turistja e humbur një natë më parë në Karaburun. Sipas raportimit të policisë është gjetur qytetarja D. E. e cila u raportua si e humbur ditën e djeshme në Karaburun.

Turistja u raportua si e humbur pasi kishte humbur orientimin, për shkak të mjegullës, dhe ishte shkeputur nga pjesa tjetër e grupit të guidës turistike

Ajo është në gjendje të mirë shëndetësore dhe po shoqërohet nga grupi i Policisë, në Stacioni e Policisë Orikum, për t’iu bashkuar familjarëve të saj.

Policia lokale informon se ‘sot, rreth orës 09:30, pas shumë orësh kërkime nga grupi i përbashkët i kërkimit të Delta Forcë dhe shërbimet e Stacionit të Policisë Orikum, u bë i mundur lokalizimi dhe gjetja e shtetases D. E., në vendin e quajtur “Gropat e Epirit”, në Karaburun.

Shtetasja D. E. është në gjendje të mirë shëndetësore dhe po shoqërohet nga grupi i Policisë, në Stacioni e Policisë Orikum, për t’iu bashkuar familjarëve të saj’.///