JUG: Gjirokastra promotore e strategjive për turizmin e qëndrueshëm

Nga Blerim KORE

 Zhvillimi i turizmit të qëndrueshëm gjatë viteve të fundit e ka shndërruar Gjirokastrën në promotore të promovimit të këtij sektori në rang kombëtar.

 Prefektura e Qarkut Gjirokastër dhe RCDC Albania nën siglën e projektit SMARTiMONY. organizuan PRESS TRIP-in për promovimin dhe prezantimin e vlerave të trashëgimisë kulturore të zonës së Gjirokastrës.

Sipas organizatorëve, Turi i Mediave është një aktivitet i dedikuar për gazetarë, përfaqësues mediash, blogerë dhe influencues me qëllim përmirësimin e ofertës turistike të Qarkut Gjirokastër. Pjesëmarrësit në këtë tur u njohën me  rreth 20 pikat turistike dhe më të vizitueshme të qytetit dhe rrethinave të Gjirokastrës, të treguara mes historive dhe rrëfenjave.

Pjesë e këtij turi ishin vizitat në Muzeun e Armëve, kishën në lagjen “Pazari i Vjetër”, banesat karakteristike të Zekatëve, Skëndulajve, objektet e trashëgimisë kulturore në Libohovë, kishën e Labovës së Kryqit, itin arkeologjik të Adrianopolit, urën mesjetare të Kordhocës, etj.

“Ejani me ne në qytetin e gurtë dhe përjetoni emocionet e rrëfimit ndryshe të qytetit dhe rrethinave”, ishte mesazhi që u përcoll nga pjesëmarrësit, përgjatë organizimeve të këtij turi. Në këto ditë pranvere Gjirokastra po mirëpret vizitorë vendas dhe të huaj duke regjistruar një trend turistik në rritje.///