Ksamil: Po shembte murin, 66-vjeçari humb jetën pasi i bie tulla në kokë

Një 66-vjeçar ka humbur jetën mesditën e sotme duke punuar, në Ksamil. Mësohet se viktima është Kastriot Çeli, i cili ka qenë duke punuar për shembjen e një muri në një godinë e cila më herët kishte qenë furrë buke. Gjatë punës, atij i ka rënë një tullë në kokë. Personat që janë ndodhur pranë tij në momentin e ngjarjes e kanë dërguar menjëherë në spital, por Çeli nuk ka mundur të mbijetojë dhe ka ndërruar jetë gjatë rrugës.

Grupi hetimor ndodhet në vendin e ngjarjes dhe po punon për sqarimin e plotë të rrethanave të kësaj ngjarjeje.///