Me kërkesë të familjes, do t’i propozohet Këshillit Bashkiak emërtimi “Klodian Rasha” i rrugës pranë shtëpisë

Me kërkesë të familjes, kryetari i bashkisë së Tiranës, Erion Veliaj do t’i propozojë Këshillit Bashkiak emërtimin “Klodian Rasha” të rrugës pranë shtëpisë.

Rruga pranë shtëpisë së 25-vjeçarit, Klodian Rasha, do të mbajë emrin e tij. Kryebashkiaku i Tiranës, tha Erion Veliaj, gjatë vizitës në një shtëpi të rindërtuar në Kashar, një detaj nga vizita që pati në familjen e të riut, gjatë së cilës babai i Klodianit, Qazimi, i ka kërkuar që emri i rrugës pranë shtëpisë të mbajë emrin e djalit të tij.

Veliaj u shpreh se dëshira e të atit do t’i shkojë për propozim Këshillit Bashkiak të Tiranës javën e ardhshme.///