Media helene: Qeveria shqiptare pro rinovimit të traktatit të miqësisë me Greqinë

-Qeveria shqiptare është në favor të rinovimit për pesë vjet të tjerë të një traktati miqësie dhe bashkëpunimi të vitit 1996 me Greqinë, thanë të hënën burime diplomatike greke, raporton “Kathemerini”.

Marrëveshja e Miqësisë, Bashkëpunimit, Fqinjësisë së Mirë dhe Sigurisë u nënshkrua mes dy vendeve më 21 mars 1996 dhe kishte një kohëzgjatje fillestare 20-vjeçare, nga dita e zbatimit të saj, e cila përfundoi në vitin 2018. Më pas ajo u rinovua për një periudhë pesëvjeçare deri në vitin 2023. Me traktatin, Athina dhe Tirana shpallën paprekshmërinë e kufijve, respektimin e sovranitetit, të drejtave të individëve, minoriteteve dhe emigrantëve, ndërsa theksuan perspektivën evropiane të të dy vendeve.///