E mërkura e 25 majit ishte një ditë feste për të gjithë Shqipërinë.
Finalja e parë dhe historike e UEFA Conference League, mes Romës dhe Feyenoord-it që u zhvillua në stadiumin “Air Albania” në Tiranë e vendosi vendin tonë në qendër të opinionit publik evropian e botëror për disa javë.
Organizimi perfekt dhe i detajuar i kësaj finaleje nga UEFA, në bashkëpunim me FSHF-në dhe të gjitha institucionet e vendit kulmoi mbrëmjen e djeshme me triumfin e Romës, që fitoi edicionin e parë të UECL, duke mposhtur me rezultatin 1-0 Feyenoord.
Mediet italiane i kanë bërë jehonë fitores së verdhekuqve dje në Tiranë, me tituj të ndryshëm, që nga prestigjiozja La Gazzetta dello Sport, te Corriere Dello Sport e TuttoSport. Ndërkaq, mbrëmjen e kaluar, 155 vende nga e gjithë bota e transmetuan këtë ndeshje drejtpërdrejtë.
Një sukses i padiskutueshëm ky për të gjithë aktorët e angazhuar në këtë finale, që ia dolën të zhvillonin një ndeshje finale të tillë, për herë të parë në historinë e vendit, por edhe për herë të parë në historinë e këtij kompeticioni.///
ME SHUME LAJME
Rregullorja e GJKKO-së si paradhoma e një diktature
Saranda vijon të tërheqë mijëra turistë, vlerësohet deti, mikpritja dhe çmimet
Si hyri gjirokastriti Ermal Beqiri në botën e biznesit, nga analiza e videos Meta-Prifti, pasuritë luksoze dhe tenderat nga AKSHI