Ndahet nga jeta këngëtari Shpat Kasapi

Këngëtari i njohur shqiptar, Shpat Kasapi, u nda nga jeta në moshën 40-vjeçare.

Sipas medieve të Maqedonisë së Veriut, këngëtari gjendej në Itali gjatë ditëve të fundit. Aty ka pasur një problem shëndetësor të natyrës kardiake për të cilin nuk u arrit të ndërhyhej në kohë.

Mediet raportojnë se Shpat Kasapi nuk ka pasur më herët shqetësime të kësaj natyre dhe se vdekja e tij në moshë të re, ishte një lajm tronditës për rrethin e ngushtë si dhe adhuruesit e muzikës së tij.

Shpat Kasapi i datëlindjes 1 maj 1985, hyri që në moshë fare të re në botën e showbiz-it dhe prej vitesh ai ka qenë një figurë e dashur në skenat ku këndohet shqip.

Shpati ishte me origjinë nga Tetova, por u bë i famshëm në gjithë trevat shqiptfolëse me baladat romantike dhe këngët pop që u bënë hite sidomos në fillimin e viteve 2000.///