Parku i Shtëpisë së Pavarësisë po merr formë si një hapësirë e re surprizuese për Vlorën

Kryeministri Edi Rama përcolli pamje nga Vlora ku po merr formë Parku i Shtëpisë së Pavarësisë.

“Parku i Shtëpisë së Pavarësisë po merr formë si një hapësirë e re surprizuese për Vlorën e Rilindur turistike”, u shpreh Rama.Parku i Shtëpisë së Pavarësisë është projekt i Rilindjes Urbane të Vlorës, në hapësirën këmbësore nga rrethrrotullimi i Skelës deri tek porti, ku do të lidhë bulevardin e ri “Ismail Qemali” me Lungomaren, një oaz fantastik me shtëpinë e flamurit mes gjelbërimit dhe plot kënde pushimi e argëtimi për të gjitha moshat.

Projekti që ka nisur po ecën me ritme të shpejta për rikualifikimin urban të sheshit dhe ndërtimin e Parkut parasheh edhe integrimin e kësaj hapësire me Lungomaren deri tek tuneli.///