Prej 1 qershorit, ndalohen qeset plastike njëpërdorimshe në Shqipëri

Qeset plastike njëpërdorimshe do të ndalohen në Shqipëri prej ditës së nesërme, 1 qershor 2022.Ministrja e Turizmit dhe Mjedisit, Mirela Kumbaro u kujtoi qytetarëve mos të harrojnë asnjëherë të mbajnë me vete trastat e rrobës, ndërsa ndau momente nga aktivitetet sensibilizuese në këtë drejtim.“Thuaji qeseve jo, por trajsen me vete mos e harro”, u shpreh Kumbaro ndërsa ndau në rrjetet sociale disa momente nga shpërndarja e çantave shumëpërdorimshe në Tiranë, Fier, Përmet dhe Korçë.Çdo vit, në Shqipëri përdoren rreth 3.2 miliardë qese plastike apo rreth 26 mijë ton në vit. Mbetjet e qeseve plastike përfundojnë në ushqimin që hamë dhe ajrin që thithim çdo ditë.Rreziku mjedisor ka bërë që në dekadën e fundit shumë qeveri në botë të ndërgjegjësohen dhe të reagojnë me shpejtësi.Në këtë kuadër, Qeveria e Shqipërisë ka vendosur që nga data 1 qershor 2022, prodhimi, importi dhe përdorimi i qeseve plastike mbajtëse si dhe e qeseve plastike mbajtëse të oxo-degradueshme apo oxo-biodegradueshme të ndalohet me ligj.Në Kuvend është miratuar projektligji që parashikon edhe gjoba deri në 1,5 milionë lekë për importuesit, prodhuesit dhe tregtuesit e qeseve plastike///