Shkollat në një qytet të Skocisë po përgatiten edhe një herë për të mirëpritur një numër jashtëzakonisht të madh binjakësh në klasat fillore, javën e ardhshme.
Inverclyde ka 15 grupe vëllezërish e motrash që fillojnë shkollën të mërkurën e ardhshme.
Një javë para se të fillojnë të shkaktojnë telashe të dyfishta për mësuesit e tyre, 13 nga çiftet e binjakëve u takuan në shkollën fillore ”Shën Maria”, në Greenock, për të treguar uniformat e tyre të reja para medias dhe prindërve krenarë.
Vitin e kaluar, vetëm nëntë grupe binjakësh filluan shkollën, ndërkohë që rekordin e mban viti 2015 me 19 çifte binjakësh.
Joe Mcallister, binjakët e të cilit, Jessica dhe Joseph, do të shkojnë shkollë më 18 gusht, i tha agjencisë së lajmeve PA se ai është i ngazëllyer që fëmijët të fillojnë pasi do të jetë vërtet mirë për ta.
Një grup tjetër nxënësish që fillojnë shkollën janë Eloise dhe Charlie. Ata i thanë PA-së se mezi presin të takojnë miqtë dhe të luajnë futboll./ATSH-PA Media-DPA///
ME SHUME LAJME
Media italiane “TgYou24”: Mes plazheve dhe trashëgimisë kulturore, Shqipëria në krye të tendencave turistike
Himara mes destinacioneve më të kërkuara nga britanikët për verën e 2026-ës
48-vjeçari shqiptar arratiset nga burgu Koridhalos në Athinë