Kryeministri Edi Rama informoi sot se pas kongresit në Berlin javën që vjen nis dialogu në bashkitë e Shqipërisë. Në një postim në rrjetet sociale, ku publikoi edhe një fotografi me kryeministren e Finlandës, Sanna Marin, Rama theksoi se “pas një kongresi frymëzues në Berlin, kthehemi në Tiranë për përgatitjet e fundit të dialogut që do të nisim javën tjetër në bashkitë e Shqipërisë”.
“Të bashkuar, jo të ndarë për përballjen me inflacionin e luftës, mbrojtjen e familjeve e bizneseve nga rritja e çmimit të energjisë, buxhetin e ri 2023 dhe mburojën sociale të vitit të ardhshëm, për të djathtën e rublave medoemos, si edhe për ecurinë e qeverisjes vendore së bashku me ambiciet e mandatit të ri për bashkitë”, tha Rama.
Kryeministri Rama mori pjesë në Kongresin e Partisë Socialiste Evropiane, që u zhvillua në Berlin, Gjermani. Në kuadër të kësaj vizite Rama zhvilloi takime edhe me liderët e vendeve europiane, të ftuar në Kongresin e Partisë Socialiste Europiane.///
ME SHUME LAJME
𝐑𝐫𝐮𝐠𝐚 𝐉𝐚𝐧𝐢𝐧ë–𝐊𝐚𝐤𝐚𝐯𝐢𝐣ë, vijojnë punimet në disa fronte.
Akte dhune gjatë protestës, gjashtë të arrestuar në Tiranë
Shqipëria synon 15.5 milionë turistë në vitin 2027, rritet kontributi i turizmit në ekonomi