Rama, Saranda: Këtë sezon, më e bukur se asnjëherë tjetër

Saranda, e ndodhur në gjirin e detit Jon dhe e konsideruar si një nga vendet më të bukura të Rivierës shqiptare po pret vizitorë të shumtë gjatë këtij sezoni.

Kryeministri Edi Rama ndau pamje nga Saranda, e cila këtë sezon është më e bukur se asnjëherë tjetër falë edhe investimeve të qeverisë në shëtitoren e re “Naim Frashëri”.

“Mirëmëngjes dhe me Sarandën që këtë sezon është më e bukur se asnjëherë tjetër, ju uroj një fundjavë të qetë”, tha Rama.

Shëtitorja e re “Naim Frashëri” është një tjetër hapësirë atraktive që i është shtuar qytetit bregdetar dhe ka qenë një nga pikat më të vizituara.

Shëtitorja “Naim Frashëri”, është një hapësirë publike shumëfunksionale dhe në shërbim të banorëve e pushuesve gjatë sezonit turistik.

Në shëtitore mbizotërojnë elementë që e ruajnë identitetin e qytetit, si për shembull porta hyrëse e Onhezmit, skulptura të realizuara nga artistë lokalë, sheshi i shatërvanit, pemët ekzistuese dhe zonat e gjelbra, pishina e hapur, etj.///ata///