Rekord i rekordeve, mbi 1000 të infektuar në 24 orët e fundit

6 PERSONA HUMBIN JETËN NGA COVID-19

Janë shënuar shifra alarmante në 24 orët e fundit në vendin tonë, ku 1007 qytetarë kanë rezultuar pozitivë në testin e koronavirusit, duke shënuar rekord që nga fillimi i pandemisë.

Fatkeqësisht 6 persona kanë humbur jetën, duke e çuar në 1404 numrin e viktimave që nga fillimi i pandemisë.

Ministria e Shëndetësisë dhe Mbrojtjes Sociale ju bën apel qytetarëve të mos e ulin vigjilencën dhe të vijojnë të zbatojnë rregullat antiCOVID duke vendosur maskën mbrojtëse në çdo ambient jashtë shtëpisë; duke shmangur grumbullimet dhe duke ruajtur distancimin fizik; duke u kujdesur për higjenën vetjake, në mënyrë që të parandalohet përhapja e COVID-19.

Në 24 orët e fundit janë identifikuar në këto bashki: 289 raste në Tiranë, , 51 në Vlorë, 18 në Sarandë, 7 raste ne Delvinë ,, 2 raste në Konispol, 15 në Gjirokastër, 6 raste në Himarë,etj,..

Me gjithë përpjekjet e stafit mjekësor, 6 qytetarë e kanë humbur betejën me COVID19 në spitalet COVID. 3 qytetare nga Tirana, 1 qytetare nga Elbasani, 1 qytetar nga Tepelana, 1 qytetar nga Fieri, të moshave 49 -92 vjeç. Ministria e Shëndetësisë dhe Mbrojtjes Sociale i shpreh ngushëllime familjarëve të të ndjerëve.///