Rritet numri i aksidenteve, shkak sjellja e drejtuesve të mjeteve

Numri i aksidenteve në periudhën janar-tetor të këtij viti shënoi rritje, krahasuar me të njëjtën periudhë të vitit 2020.

Sipas raportit të publikuar nga INSTAT, gjatë periudhës janar-tetor të këtij viti numërohen 1151 aksidente rrugore nga 1011 aksidente të ndodhura në të njëjtën periudhë të vitit 2020.

Referuar të dhënave, në 10-mujorin e parë të vitit 2021, numri i të aksidentuarve është 1570 persona, nga 1312 persona në 10-mujorin e parë të vitit 2020. Ndërsa numri i të vdekurve nga aksidentet rrugore është 165 persona, nga 153 persona të vdekur në të njëjtën periudhë të një viti më parë.

Në këtë periudhë, 973 aksidente u shkaktuan për shkak të sjelljes së drejtuesit të mjetit, ndërsa 178 aksidente rrugore kanë ndodhur si pasojë e sjelljes së këmbësorit.