Saranda në faqet e gazetës më të madhe greke…

Nga Pirro NAÇI

Me titullin “Shqipëria një destinacion joshës turistik”, gazeta prestigjoze greke “Kathimerini” (E Përditëshmja) i ka kushtuar ditën e sotme një artikull analitik interesit në rritje të të huajve për Shqipërinë turistike. Në këtë artikull flitet në veçanti edhe për Sarandën. Një faleminderit për Kathimerinin…

Turizmi i bashkon popujt dhe krijon prespektiva të forta zhvillimi mbi të cilat duhet punuar . Numri i turistëve nga Greqia në Shqipëri nga viti në vit vjen duke u rritur. Ka mundësi që këto shifra të dyfishohen. I kemi tek pragu i derës, duhet përqëndruar puna në këtë hapësirë. Praktikat e deritanishme nuk kanë qënë frytëdhënëse.

Mendoj se ka ardhur koha ndërmjet dy vendeve tona,nëpërmjet Ministrive të Turizmit , për dobinë e përbashkët, të punohet duke ndihmuar njëri tjetrin, jashtë çdo spontaniteti apo mendësie që i takon të kaluarës. Këtë mund ta bëjnë edhe përfaqësuesit e pushtetit lokal. Bashkëpunimin dhe zhvillimin, duhet ta shikojmë si një zinxhir ku turizmi të jetë një hallkë e barabartë me zhvillimin ekonimik, e barabartë me zhvillimin kulturor e kështu me radhë…

Vitet e kaluara në bazë të të dhënave, shqiptarët kanë përfituar nga turizmi po aq sa kanë shpenzuar për për të bërë turizëm jashtë vendit dhe pjesa më e madhe shkon drejt Greqisë…Krijimi i një ‘’ekuilibri’’ të ‘’logjikshëm’’ duhet të jetë objekt i Ministrisë së Turizmit , por edhe i operaturit turistik…Forma dhe mënyra ka sa të duash, vetëm kërkohet pak ‘’oreks’’ për punë…Deri më tani në faqet e internetit të Ministrisë së Turizmit dhe të Agjecisë Kombëtare të Turizmit asnjë fjalë, asnjë reagim për artikullin në fjalë…/sarandanews.a///