Sarandë. Kundërshtuan punonjësit e Policisë dhe i penguan për kryerjen e detyrës, në pranga 2 vëllezërit

Për dy vëllezër, 43 dhe 35 vjeç u vendos arrest në Sarandë, ndërkohë që njëri prej tyre është shpallur në kërkim. Policia bëri të ditur se ata u vunë në pranga pasi kundërshtuan punonjësit e Policisë dhe i penguan ata për kryerjen e detyrës.

Gjatë shoqërimit të 43-vjeçarit, i cili ishte shpallur në kërkim policor pasi ka goditur punonjësit e një shoqërie private për sigurinë, në Kakome, shërbimet e Policisë janë kundërshtuar dhe penguar për kryerjen e detyrës, nga ai dhe i vëllai. Materialet procedurale i kaluan Prokurorisë së Sarandës, për veprime të mëtejshme.///